Алы нотæ дæр уæлмонц æнкъарæнтæй дзаг. Ай хуымæтæг уацмыс нæу, фæлæ хъæздыг музыкалон историйы æцæг дæнцæг. Уый дæттынц фæлтæрæй-фæлтæрмæ. Сывæллæтты аивæдты скъолайæн радтой номдзыд пианисткæ Лолаты Заремæйы ном.
Стæм педагогон курдиатимæ адæймаг. Йæ цард снывонд кодта музыкæйæн лæггадæн. Фыццаг ирон профессионалон пианисткæ. Уæрæсейы æмæ Ирыстоны культурæйы сгуыхт кусæг, адæмты Хæлардзинады Ордены кавалер. Лолаты Заремæ аивады стыр дунемæ бирæ музыкантты ракодта. Ахуырдзаутæ йæ «дыккаг мад» æмæ «хуыздæр хæлар» хонынц.
Æвзонг музыканттæ сæ ахуыргæнджытæ æмæ хъомылгæнджытимæ сценæйыл равдыстой сæ курдиат. Махъоты Ацæмæз, Гергиты Ларисæ, Хестанты Земфирæ æмæ æндæртæ. Цæгат Ирыстоны аивæдты сгуыхт архайджытæ сæрыстырæй дарддæр хæццæ кæнынц сæ ахуыргæнæджы хъуыддаг.
Сценæйыл æрбангом сты фæлтæрддзинад, дæсныдзинад æмæ æвзонгдзинад. Хæзнатæ, кæцытæ дæсгай азты курдиатджын музыканттæн гом кæнынц аивады алæмæты дуне.
Лолаты Заремæ — курдиаты æмæ стыр фæлтæрддзинады нысан. Йæ ном æнустæм фыст æрцыд Цæгат Ирыстоны аивады историйы. Нæ номдзыд æмзæххон бирæ ног фæлтæрты разæнгард кæны ног сфæлдыстадон æнтыстдзинæдтæм.
