Фæстаг дыууæ къуыри республикæйы æнахуыр тæвд боныхъæды аххосæй сбирæ сты джыбытæ. Тезгъо кæнын чи уарзы, уыдоны нымæц та ацафон чысыл нæ вæййы. Уымæ гæсгæ, уæлдай ахсджиаг у лæмбынæгдæр уæвын.
Арæхдæр джыбытæ вæййынц кæрдæджы, къутæрты, кæнæ пыхсыты. Специалисттæ зæрдыл лæууын кæнынц æдасдзинады хуымæтæг домæнтæ тезгъойы рæстæг. Хорз æххуыс сты репелленттæ кæй хонынц, уыдон. Бапырх сæ кæнын хъæуы уæлæдарæс, къухтæ. Фæлæ уæддæр дыууæ сахатæй дыууæ сахатмæ буармæ æркæсын æнæмæнг у. Дæ уæлæ джыбы федтай, уæд æм ма ‘внал. Иугæр æй сисынвæнд куы скæнай, уæд — арæхстгай. Дарддæр джыбы æхгæд авджы сæвæр æмæ йæ фæхæццæ кæн лабораторимæ иртæстыты тыххæй. Ныридæгæн тæссаг низтæ æмæ уæззау фæстиуджытæ нæма рабæрæг. Службæйы специалисттæ уавæр æппынæдзух бæрæг кæнынц.
Джыбытæй хи бахъхъæнæн ис æхгæд уæлæдарæсы руаджы. 2024-æм азы бæрнон куыстуаты фæнысан кодтой 372 курдиаты. Уыдонæй 124 — сывæллæттæ. Тæссаг сезоны агъоммæ профилактикон куыст бакæнынц. Администрациты кæрдæг кæрдынмæ æмæ йæ джыбыты ныхмæ хостæй пырх кæнынмæ бæстон цæстдард хъуамæ уа.
