Театр «Саби»-йы ацыд премьерæ – Лев Устиновы пьесæмæ гæсгæ æвæрд спектакль «Город без любви», зæгъгæ. Пьесæйы бындур у, уарзондзинадæн æгæрон тых кæй ис, уыцы хъуыды. Сæйраг хъайтары фæнды уарзондзинады фæрцы хъуынтыз æмæ æнкъард горæты цард баивын.
Сæйраг роль дзы хъазы театры актер Гæгуылаты Сослан. Йæ режиссер-æвæрæг у Санкт-Петербургы Сценикон аивæдты Уæрæсейы паддзахадон институты рауагъдон Александра Тэйнина. «Город без любви» у æрыгон режиссеры æртыккаг спектакль, Дзæуджыхъæуы кæй сæвæрдта, ахæм.
