Йе `нæниздзинад кæмæн фæцудыдта, уыцы сывæллæттæн Цæгат Ирыстоны фадат уыдзæн театралон студийы архайын. Нæ республикæйы уыдзæн фыццаг ахæм студи. Сараздзысты йæ президенты гранты фæрцы.
Æхцайы фæрæзтæй балхæндзысты хъæугæ театралон реквизит, бахуыйдзысты костюмтæ æмæ сараздзысты декорацитæ. Спектакльтæ æвдисдзысты канд Дзæуджыхъæуы нæ, фæлæ ма районты дæр. Студийы ахуыр кæндзæн 50 адæймагæй фылдæр. Проектмæ гæсгæ, йе ’нæниздзинад хъыгдæрд кæмæн у, уыцы сывæллæттæн фадат уыдзæн сæ курдиат раргом кæнын. Сæрмагондæй дзы архайдзысты реабилитацион центр «Алани»-йы хъомылгæнинæгтæ.
Медицинон-социалон экспертизæмæ гæсгæ Цæгат Ирыстоны ис, се `нæниздзинадмæ гæсгæ йæ авналæнтæ цыбыр кæмæн сты, 3 700 ахæм сывæллоны.
