Телеканал «Культурæ»-йы кусджыты къорд Ирыстоны исы программæ «Неизвестные маршруты России»-йы дыккаг сезон. Проекты архайджытӕн сӕ хъуыдыйы ис, туристтæ стæм хатт кæй бабæрæг кæнынц, ахæм бынæттæ равдисын. Афтæмæй телеканалы къорд бацархайдзæн сæйрагдæр цы у, уый равдисныл дæр. Регионы æгъдæуутты тыххæй дзурдзысты бынæттон цæрджытæ.
Канал «Культурæ»-йы программæ «Неизвестные маршруты России»-йы равдыст эфиры уыдзæн фæззæджы. Йæ фыццаг сезон ын равдыстой афӕдзы размæ. Уæд исæг къордæн бантыст 4 документалон кинонывы бацæттæ кæнын. Журналисттæ уыдысты республикæтæ Коми, Карелия, Дагестан æмæ Бурятийы.
