Телеканал “Осетия-Ирыстон”-ы комкоммæ эфиры ныр 6-æм хатт ацыд Глобалон диктант ирон æвзагæй

14.05.2025 15:13

Уæд æй ныффыстой 1 565 адæймаджы, фарон та — 7 748-æй.

Чысыл раздæр кæронмæ æрхæццæ Глобалон диктант ирон æвзагæй. Ацы аз æй Ахуырад æмæ наукæйы министрады хъæппæрисæй, стæй телеканал “Осетия-Ирыстон”-ы æххуысæй комкоммæ эфиры ацыд 6-æм хатт. Уæд æй ныффыстой 1 565 адæймаджы, фарон та — 7 748-æй. Ацы аз фыццаг хатт комкоммæ эфиры диктанты архайдтой Хуссар Ир, Лабæ, Озрек, семæ Турчы цæрæг ирæттæ дæр. Нæ студийы диктант ныффыстой “Аланты Ныхас”-ы сæрдары хæдивæг Кучиты Руслан, æппæтдунеон ерысты уæлахиздзау тхэквондойæ Акъоты Алан, республиконæркаст “Ирон дæн æз”-ы уæлахиздзау Джимиты Тимур, журнал “Ногдзау”-ы сæйраг редактор Сæлбиты Дианæ, этникон музыкæйы автор æмæ зарæггæнæг Тедеты Нати æмæ ирон фиологийы факультеты студенткæ Фидараты Данæ. Текст бакаст мадæлон æвзæгты ахуыргæнджыты регионалон конкурсы уæлахиздзау Æмбалты Валерия. Йæ бæрæггæнæн алчи фендзæн нæ республикæйы ахуырад æмæ наукæйы министрады официалон сайты.

Предыдущий материал

Фарныхъæуы культурæйы хæдзары æрцыд зынгсирвæзт

Следующий материал

СНИЛС-ы номыр 2020-æм азæй сывæллæттæн æрцæуы æмæ ныййарджыты архайдæй

Читайте также

Все новости