Транпортон хъалон Цæгат Ирыстоны 75% фæкъаддæр. Ныхас цæуы æппæты фылдæр хъыгдæрд чи баййæфта уыцы къабæзты кусджытыл.
Ивддзинæдтæ закъоныпроектмæ сфидар кодта республикæйы парламент. Уымæй уæлдай бакуыстой хъалонтæ исыны сæрмагонд фæткыл. Йæ фæрцы цæрджытæн фадат уыдзæн закъонмæ гæсгæ амалхъом куыст кæнын æмæ хъалон къаддæр фидын. Уый хауы канд йæхиуыл чи кусы уыдонмæ нæ , фæлæ ма йæ бæрны кусджытæ кæмæн ис, ахæм амалхъом адæммæ. Ног фæтк республикон бюджет фæхъæздыгдæр кæндзæн 30 милуан сомæн. Æфтиæгтæн сæ 37% цæудзысты æнæмæнг медицинон фæдзæхстады Фондмæ. Ног уагæвæрдæй спайда кæнæн уыдзæн 1-æм июлæй. Фыццаджыдæр хауы фотографтæм, видеографтæм, косметологотæ æмæ хаццоны йæ фатер чи дæтты уыдонмæ.
