Цӕгат Ирыстоны кусын райдыдта сывӕллӕтты цӕстыӕ хъахъхъӕныны фыццаг паддзахадон кабинет лӕвар дзӕбӕхкӕнынадимӕ

Цӕгат Ирыстоны сывӕллӕттӕн фæзынд цæстытæ лӕвар дзӕбӕх кӕныны фадат, сӕрмагонд аппараты руаджы. Лæггад — æнæмæнг медицинон фæдзæхстады полисмӕ гӕсгӕ. Ног кабинет байгом Дзӕуджыхъӕуы 7-ӕм поликлиникӕйы. Ам чысыл пациенттæм æркæсынц ӕмӕ сæ дзӕбӕх кӕнынц ног, хӕрзхъӕд ифтонггарзæй пайдагæнгæйæ. Раздӕр ахӕм фадат уыдис ӕрмӕст фидгӕ клиникӕты. Ног прибортӕ ӕххуыс кӕнынц цӕстыты фӕллад сисынӕн, хӕстӕгдзӕст ӕмӕ дарддзæстдзинад дзӕбӕх кӕнынӕн. Рагагъоммæйы мадзæлттæ ӕххуыс сты низ бауромынӕн. Афтæмæй, хатгай цӕстырухс фӕхуыздӕр вӕййы суанг 30%. Цӕмӕй лæггадæй спайда кæнай, уый тыххӕй æрвысты гæххæтт райсын хъӕуы сывӕллӕтты офтальмологӕй. Ифтонггарз балхӕнынӕн ӕхцайы фæрæзтæ радих кодтой республикӕйы сӕргълӕууӕг Сергей Меняйлойы фӕдзӕхстмӕ гӕсгӕ, Æнӕниздзинадхъахъхъӕнынады министрады курдиаты фӕстӕ.