Евӕ ахуыр кӕны 6-æм къласы. Хæслæвæрдтæм йæхи цæттæ кодта сентябрæй фæстæмæ. Уæлæмхасæн ахуыртæ педагогтимæ, зын хынцинæгтæ æмæ хибарæй куыстытæ. Ныртæккæ зонындзинæдтæй пайда кæнынц практикæйы. Райдыдта æппæтуæрæсеон олимпиадæйы скъолайы къæпхæн биологийæ.
Дзæуджыхъæуы 26-ӕм скъолайы олимпиадӕ ныффыстой фӕндзӕм ӕмӕ ӕхсӕзӕм кълӕсты ахуыргӕнинӕгтӕ. Ӕдӕппӕтæй 50 адæймаджы онг. Фæсивæд кусынц къордтæй, хӕслӕвӕрдтӕ ӕххӕст кӕнынц “Сириус”-ы платформæйыл, рӕстӕг сын радих кæнынц сахатӕй дыууӕ сахатмӕ.
Уыимæ хӕслӕвӕрдтӕ ахизынц скъолайы программæйы арæнтæй. Уымæ гæсгæ ацы къæпхæн у æрмæст райдайæн: разӕй ма муниципалон, регионалон ӕмӕ кӕронбӕттӕн.
Дарддӕры къæпхæнмæ цӕуынвӕнд чи кӕны, уыдон та республикӕйы цӕттӕ кӕнынц хицӕнӕй. Ацы аз олимпиадӕйы иугонд командӕтӕм бацæуæн скодтой гом — курдиат бадӕттын йӕ бон уыд алы скъоладзауӕн дӕр, æрмæст æмбæлгæ кармæ гæсгæ. Æркасты ӕвзӕрстыты фӕстӕ уӕлахиздзаутӕ архайынц уӕлӕмхасӕн къуыри цалдӕр хатты.
Республикӕйы олимпиадӕйы змӕлдмæ йæ цæст дары ахуырадон центр “Вершина”. Скъолайы къæпхæн цӕуы ӕппӕт ахуырадон организациты — æрвылбон ахуырдзаутӕ бӕрӕг кӕнынц сӕ зонындзинӕдтӕ ног предметӕй. Фыццаг къӕпхӕны уӕлахиздзауты сбӕрӕг кӕндзысты хæстæгдæр рæстæг, се ‘ппӕт дӕр сӕ тыхтӕ равдисдзысты муниципалон ӕмвӕзадыл.
