Парламентон байхъуыстыты æрдзырдтой “Студентты наукæйы ахадындзинадыл РЦИ-Аланийы инновацион райрæзты”

8.10.2026 20:42

Амыдта сæ Тускъаты Таймураз. Раззагдӕр технологиты рæзт ӕмӕ ӕрыгон ахуыргӕндтæн ӕххуыс сты, президент Владимир Путин цы хӕстӕ сӕвӕрдта, уыдоны ‘хсæн. Республикӕйӕн ис стыр хъомыс ацы къабазы.

Студентты наукон архайд Цӕгат Ирыстоны инновацион рӕзтыл куыд ахады, ууыл ӕрдзырдтой парламентон байхъуыстыты. Амыдта сæ Тускъаты Таймураз. Раззагдӕр технологиты рæзт ӕмӕ ӕрыгон ахуыргӕндтæн ӕххуыс сты, президент Владимир Путин цы хӕстӕ сӕвӕрдта, уыдоны ‘хсæн. Республикӕйӕн ис стыр хъомыс ацы къабазы. Дзуапдæттæг комитеты сӕрдар Елена Князева куыд радзырдта, афтæмæй федералон зылды хуыздæр уæлдæр скъолаты рейтингы Цæгат Ирыстоны паддзахадон университет бацахста дыккаг бынат, Медицинон академи райста 6-ӕм бынат. Хӕххон аграрон университет — 12-ӕм рӕнхъыл. Хæххон-металлургон институт бацахста 13-ӕм бынат. Ирыстоны уӕлдӕр ахуыргæнæндæттæ кусынц заводтӕ, наукон центртӕ ӕмӕ технопарктимӕ иумӕ. Студенттӕ архайынц форумтæ ӕмӕ конференциты. Фарон 16 студенты райстой сæрмагонд стипендитæ. Ноджы ма 6 проекты рамбылдтой гранттӕ программӕ “Студенческий стартап”-ы фæлгæты. Уый у национ проект “Эффективная и конкурентная экономика”-йы иу хай. Ноджы ма фембӕлды уӕлдӕр скъолатӕ равдыстой сӕ стендтӕ.

Предыдущий материал

Дзæуджыхъæуы цæуы хореографион аивады дыккаг æппæтадæмон фестиваль-конкурс “Зауырбег”

Следующий материал

Райсом 10 сахаты æмæ 40 минутыл Цӕгат Ирыстоны уыдзӕн пъланон басгӕрст адӕмæн æнæнхъæлæджы цауты тыххæй хъусын кӕныны системӕтӕн