Алайнаг фыранктæ фæуæлахиз сты Симферополы командæ “Наследие”-йыл. Нæ хоккеисттæ сæ ныхмæлæуджытæн бакъуырдтой 10 шайбæйы, бауагътой – 4.
Матч цыди регионты ‘хсæн ерысты дыккаг къæпхæны фæлгæты, архайджыты кар 12 азы. Ерыстæ сты “Кубок Третьяка”-мæ æвзарæнтæ. Ныртæккæ нæ командæ хыгъды ис дыккаг бынаты. Раззагдæртæ суæвынæн сын нæ фаг кæны 2 баллы.
Иннæ фембæлды барстæ сæ тых æвзардзысты “Сочи”-йы командæимæ. Фæнысан кæндзыстæм, турниры финалистты сбæрæг кæндзысты дыккаг раунды хатдзæгтæм гæсгæ. Кæронбæттæн та уыдзæн апрелы.
Ерыстæ æвдисæн сты нæ республикæ æмæ Уæрæсейы Хуссары регионты хоккей кæй парахат кæны, уымæн.
