Кавказы инвестицион форум ацæудзæн 25-æмæй 27-æм майы онг Минводы. Йæ сæйраг нысан — регионы социалон-экономикон райрæзт. Мадзæлтты номхыгъдыл ныхас цыд бæстæйы экономикон рæзты министры хæдивæг Сергей Назаровы разамындæй æмбырды.
Ацы аз сæйрагдæр у “Инвестицион фæндаг: Ивгъуыд. Абон. Фидæн”. Форум æрбамбырд кæндзæн 5 мин адæймаджы онг: паддзахадон хицауады разамонджытæ, æппæтуæрæсеон æмæ æппæтадæмон куыстуæтты топ-менеджертæ, наукон æмæ экспертон æхсæнады минæвæрттæ. Æрдзурдзысты амалхъомад, агропромышленнон комплекс, энергетикæ, транспорт, туризм, æнæниздзинадхъахъхъæнынад æмæ æппæтдунеон ахастдзинæдтыл.
Программæйы ма уыдзæн пленарон æмбырд, тематикон сесситæ, дискусситæ. Нæ республикæ, куыд Цæгат Кавказы федералон зылды иннæ регионтæ, форуммæ йæхи цæттæ кæны.
