Цæгат Ирыстоны ис национ проект «Производительность труда»-йы хыгъдмæ чи бацыд, уыцы 11 регионы ‘хсæн. Федералон эксперттæ æххуыс кæндзысты регионы куыстуæттæн, амондзысты сын хи гæнæгтæй æнтыстджындæрæй пайда кæнын, æппæт кусæнгæрзтæ дæр сæ тыхы ‘мбæрц куыд кусой, продукци алы рæттæм æрвитыны хъуыддаг нывыл кæнын, стæй логистикæйы фарстатæ.
Компанитæн фадат уыдзæн æфстау æхца райсынæн дæр Промышленносты райрæзты фондæй, афæдзмæ 1%-мæ гæсгæ. Куыстуæтты разамонджыты та ахуыр кæндзысты сæрмагонд программæмæ гæсгæ «Лидеры проиводительности», зæгъгæ.
Программæйы сæйраг нысан – куыстуæтты ног æмвæзадмæ раивын, стæй сын цæмæй сæ продукци æндæр регионты æмæ бæстæты уæй кæной. Ахæм æххуыс райсыны фадат ис, арæзтады, базарады, хъæууон хæдзарады къабæзты куыстуæттæн.
Программæйы бацархайынæн куыстмæ ис сæрмагонд домæнтæ. Се ‘ппæт дæр фыст сты сæрмагонд платформæ «Производительность.рф»-ы.
