Цæгат Ирыстон национ проекттæ æмæ паддзахадон программæты архайдмæ гæсгæ ис раззагдæрты ‘хсæн. Уый хауы æппæт къабæзтæм дæр.
Куыстуат “Аланияэнергосеть”-ы специалисттæ дæр æнтыстджынæй электрон хызтæм иу кодтой социалон-вазыгджын объекттæ. Се ‘хсæн стадион “Пищевик” æмæ “Сывæллæтты сфæлдыстады хæдзар” Беслæны. Æрæджы баиу кодтой БМКайы культурæйы хæдзар. Уыцы къахдзæф банымайæн ис вазыгджын æмæ егъау æвæрæныл культурæйы къабазы рæзты паддзахадон программæ æххæсткæнынады. Дарддæр дæр ма хъуамæ электрон хызтæм бабæттой цалдæр социалон-ахсджиаг объекты. Се ‘хсæн республикон стадион “Спартак”. ¤
