2019-æм азæй фæстæмæ 21 млн уæрæсейаг бинонтæй фылдæр фæхуыздæр кодтой цæрæнбынæтты уавæртæ. “Жилье и городская среда” нацпроекты фæлгæты самал кодтой фатер, самадтой хæдзар, заууат цæрæнбынæттæй ногмæ раивтой кæнæ сын сæ хæдзар бындуронæй сцалцæг кодтой.
Абон æгас бæстæйы ис бирæ арæзтадон проекттæ. Ацы азы авд мæймæ сцæттæ сты цæрæнуæтты 62 милуан квадратон метры. Уый 9 æмæ æрдæг проценты фылдæр у ивгъуыд азæй. Стыр ахадындзинад ис регионты иумæйаг куыстæн, горæтты хъомыс фæфылдæр кæнын, инфраструктурæ сног кæнын, цæрджыты царды уавæртæ фæхуыздæр кæнын.
Уæрæсейы Президент цы нысантæ сæвæрдта, уыдонмæ гæсгæ национ проект «Жилье и городская среда» æххæст кæнгæйæ 2030-æм азмæ сæ цæрæн уавæртæ хъуамæ фæхуыздæр кæной 5 милуан бинонтæй фылдæр. Æмткæй саразын хъæуы миллиард квадратон метры цæрæнбынæттæ.
