Цæгат Ирыстон уæлахиздзау сси горæты æнцонвадат уавæртæ аразыны 8-æм æппæтуæрæсеон конкурсы. Уый тыххæй йæ телеграм-каналы фехъусын кодта Сергей Меняйло. Нæ республикæ рамбылдта æртæ къæпхæны. Фыццаг хатт «Историческое поселение»-йы номинацийы рамбылдта Нары хъæуы проект. Номинаци «Малые города»-йы уæлахиздзаутæ систы Æрыдон æмæ Дигора.
Горæты æнцонвадат уавæртæ аразыны хуыздæр проектты æппæтуæрæсеон æркаст арæзт цæуы 2018-æм азæй фæстæмæ Владимир Путины хъæппæрисæй. Сæрмагонд программæ «Формирование комфортной городской среды» æмæ конкурс «Малые города и исторические поселения»-йы руаджы ныридæгæн саив кодтой бирæ æхсæнадон бынæттæ.
«Ахæм конкурстæ фадат дæттынц, адæм бирæгæйттæй кæм æмбырд кæнынц, уыцы бынæттæ банывыл кæнын, ног парктæ, сквертæ, фæлладуадзæн бынæттæ саразын», – загъта республикæйы сæргълæууæг.
