«Адæмты ‘хсæн ахастдзинæдты мæскуыйаг паддзахадон институты сæрдыгон скъола» фыццаг хатт кусы Цæгат Ирыстоны. Йæ нысан — бæстæйы регионты туристон æмæ инвестицион гæнæнтæ фæуæрæхдæр кæнын. Мадзал цæуы республикæ æмæ Адæмты ‘хсæн ахастдзинæдты мæскуыйаг паддзахадон институты æмгуыстады фæлгæты. Бафыстой йæ регионы разамонæг Сергей Меняйло æмæ уæлдæр ахуыргæнæндоны ректор Анатолий Торкунов.
Сæрдыгон скъолайы архайынц Адæмты ‘хсæн ахастдзинæдты мæскуыйаг паддзахадон институты 20 студенты æмæ Цæгат Ирыстоны паддзахадон университеты, Цæгат Кавказы хæххон-металлургон институты, Хæххон паддзахадон аграрон университеты 30 студенты. Программæйы ис лекцитæ, дæсныйадæвдисæн ахуыртæ, семинартæ, экономикæ, разамынд æмæ туризмы фарстатыл æрныхас. Абон архайджытæ фембæлдысты Сергей Меняйлоимæ. Фæсивæд æм радтой фæрстытæ, ныхас рауад æргом. Скъола кусдзæн 29-æм июлы онг.
