Цæгат Ирыстонæн ратдзысты 24 милуан сомы Ковидæй рынчынтæн хостæ амал кæнынмæ. Уый тыххæй фехъусын кодтой Коронавирусы инфекци парахат кæнын ма бауадзыны Кординацион советы æмбырды.
Æдæппæтæй регионтæн федералон бюджеты снысан кодтой 5 миллиард сомы. Фæрæзты ‘руаджы хостæ сæмал кæндзысты 1 милуан æмæ 500 мин адæймагæй фылдæрæн. Фыццаджыдæр ныхас цæуы, сæхи амбулаторон æгъдауæй, ома, сæ хæдзæртты дохтырты амынддзинæдтæм гæсгæ чи дзæбæх кæны, уыдоныл.
