Цæгат Ирыстонмæ ссыдысты Китайы минæвæрттæ. Йæ хыгъды ныгулæн хъæбысхæстыты дæснытæ. Ирыстоны спортсментæн равдисдзысты сæ арæхстдзинад, фæхай сын кæндзысты сæ фæлтæрддзинадæй.
Снысан кодтой дæсныйадæвдисæн ахуыртæ Китайы зындгонд мастертимæ. Уымæй уæлдай ма, спортсментæн радзырдтой ерыстæм хи куыд цæттæ кæнын хъæуы, стæй ерысты рæстæг спортсмен хъыгдæрд куы баййафа, уый фæстæ цавæр мадзæлттæ саразын хъæуы, цæмæй адæймаг спорты архайын тагъд рæстæг фæстæмæ райдайа.
Минæвæрттæ ма бабæрæг кæндзысты тхеквондойæ турнир “Снежный Барс”-ы гом кæныны кадджын мадзал. Ацæудзæн Дзæуджыхъæуы 18-æм декабры. Абон та уазджытæ æвдисæн уыдысты ирон æгъдæуттæн. Аэропорты сыл сæмбæлдысты æртæ чъири æмæ бæгныйы къусимæ, равдыстой сын ирон кафт дæр.
Абон ма делегаци уыд мемориалон комплекс “Зæдты сахар”-ы. Вице-премьер Платы Альбинæимæ дидинджытæ сæвæрдтой Хъыджы бæласы цур. Китайы минæвæрттæ загътой тæфæрфæсы ныхæстæ. Фæнысан кодтой, Китай кæй хъыг кæны Ирыстоны цæрджытимæ иумæ. Ацы æбуалгъ дунейы адæмæн баззайдзæн чи нæ дзæбæх кæны, ахæм хъæдгомæй.
