Цæгат Ирыстоны адæмы бартæ хъахъхъæнæджы аппараты ацыд тымбыл стъолы уæлхъус фембæлд

Тырсы æмæ Хъуды кæмттæй, стæй Къобæй рацæуæг адæмы культурон æмæ исбонады бартыл æрныхас кодтой Цæгат Ирыстоны. Ацы темæйыл тъымыбл стъолы уæлхъус фембæлд сарæзтой республикæйы адæмы бартæ хъахъхъæнæджы аппараты. Мадзалы архайдтой æхсæнадон иугондты минæвæрттæ, фарста ахсджиаг кæмæн у, уыцы цæрджытæ. Абон бирæтæм сæвзæры лыггæнинаг фарстатæ. Зæгъæм, Гуырдзыстоны фæзуатыл цы хъæутæ ис, уыдонмæ бæрæгбæтты рæстæг кувæндæттæм æмæ æндæр ахсджиаг хъуыддæгты фæдыл сæ бон бацæуын нæ вæййы. Уыимæ ма иу хъуыддаг — цæрджытæн сæ бон нæу исбонады бартæ сфидар кæнын, сæ хæстæджытæй сын цы зæххы хæйттæ æмæ хæдзæрттæ баззад, уыдонæн.