Цæгат Ирыстон сси скъолаты бындурон цалцæгæн бирæ фæрæзтæ кæм рахай кодтой, уыцы регионты æхсæн 5-æм. Уый фæдыл бакуыстой сæрмагонд программæйыл. Йæ фæлгæты æнæмæнг хъуыддаг уыдзæн — материалон-техникон базæ сног кæнын. Дыууæ азмæ сцалцæг кæнынвæнд кæнынц 63 скъолайы. Фыццæгты хыгъды Дзæуджыхъæуы 14-æм, 16-æм æмæ 24-æм скъолатæ. Бæлвырддæр нæ дарддæры æрмӕджы.
Дзæуджыхъæуы 14-ӕм скъолайыл сæххæст 127 азы. Фæлæ дзы ахæм егъау цалцæггæнæн куыстытæ ныры онг никуы уыд. Скъолайы сыгъдæгдзинад æмæ аивдзинадмæ цæст дардтой куысджытæ сæхæдæг. 2010 азы та дзы æрцыд зыгсирвæзт. Уæд сцалцæг кодтой кабинеттæ æмæ уазæгдæттæ. Фæлæ рæстæг куыд цыд, афтæ цауддӕр кодтой.
Программæйы фæлгæты канд ремонт не скæндзысты. Раивдзысты дзы материалон-техникон базæ дæр. Уæдæ кълæсты сæрмагонд дизайныл бакусын та бахæс кæндзысты Уæрæсейы скъоладзауты змæлды бархионтæн. Æппæт уыцы хæрзты фæрцы саразæн уыдзæн, нырыккон домæнтæ дзуапп чи дæтты, ахæм æнцовадат уавæртæ.
Скъолаты бындурон цалцæгæн бирæ фæрæзтæ кæм рахай кодтой, уыцы регионты ‘хсæн Цæгат Ирыстон сси 5-æм. Æмткæй райсгæйæ, 3,5 млрд сомы. Сæйраг у, цæмæй цалцæггæнӕн куыстытæ ахуырадон процесс ма къуылымпы кæной.
Зæгъын хъæуы уый, æмæ Цæгат Ирыстоны 2024 азы онг сцалцæг кæндзысты 63 скъолайы. Уыдонæй 13 Дзæуджыхъæуы. Ныридæгæн уал цæуынц æвзарæн мадзæлттæ. Республикæйы Ахуырад æмæ наукæйы министр Алыбегты Эллæ куыд фæнысан кодта, уымæ гæсгæ скъолаты бæрц, æнæмæнг, хъæуы фæфылдæр кæнын.
