Цæгат Ирыстоны ацæудзæн форум «Архалания»

Дзӕуджыхъӕу дыууӕ бонмӕ суыдзӕн архитектурӕйы фæдыл профессионалон диалоджы фӕзуат. Райсом 1-æм октябры республикӕйы райдайдзӕн форум «Архалания». Сӕйраг темӕ — «Точка отсчёта». Дыууӕ боны архитектортӕ, горӕтаразджытӕ, урбанисттӕ, хицауад ӕмӕ бизнесы минӕвӕрттӕ республикӕйы горӕттӕ ӕмӕ хъӕуты ӕддаг хуыз бӕрӕг кӕндзысты хӕстӕгдӕр азты. Регионы сӕргълӕууӕг фӕнысан кодта, сӕйраг хӕс — историон хуыз бахъахъхъӕнын, фӕлӕ цӕрынӕн нырыккон ӕмӕ хӕрзвадат уавӕртӕ саразын. Программӕйы — фембæлдтытæ Уӕрӕсейы раззагдӕр урбанисттимӕ, практикон сесситӕ ӕмӕ фестиваль Сабырдзинады проспекты. Бацархайын дзы у алкæй бон дæр, уый тыххæй хъæуы регистраци скæнын — ссылкæ ссарæн ис республикæйы сæргълæууæджы социалон хызæгты.