Алыхуызон фæзилæнтæ, мотоциклты хъæлæба æмæ спортсменты арæхстдзинад. Афтæ Дзæуджыхъæуы ацыдысты мотокроссæй ерыстæ. Архайджытæ — бæстæйы алы регионтæй: Абхази, Хуссар Ирыстон æмæ Казахстанæй минӕвӕрттӕ нæ республикæмæ фыццаг хатт не ссыдысты. Куыд зæгъынц, афтæмæй спорты ацы хуызæн Ирыстоны æрдз у хорз —хъарм боныхъæд, зæхх йӕхӕдӕг дæр. Мотоциклтыл дугъмæ бакæсынмæ æрбамбырд сты дæсгай адæм.
Ам алы секунд дæр у ахсджиаг, уымæн æмæ спортсментæн сæ фæндаг æнцон нæу — цæхгæрмæ фæзилæнтæ алыхуызон цæлхдуртимæ. Ис дзы дуртæ, хъæдтæ æмæ хæрдтæ. Мотоциклты спорты ацы хуыз хуыйны эндуро. Хуымæтæг нæу, ацæуын хъæуы рæстæгмæ гæсгæ, равдисын дæсныдзинад.
Республикæмæ ссыдысты бæстæйы алы регионтæй 60 архайæджы. Иван Орлов у Кемеровойæ. Йæ тыхтæ æвзары Уæрæсейы чемпионаты дыккаг къæпхæны. Фыццаг ацыд сæрды, бацахста 6-æм бынат. Ныр йæ бæрæггæнæн фæхуыздæр кæныныл архайы.
Рæстæгмæ гӕсгӕ цас бацахста спортсментӕн цӕ цыд æмæ цал баллы райста, уый бæрæг кæнынц сæрмагонд гæрзтæ. Бæрӕггæнæнтæ фенæн ис таблойыл. Дыккаг бон уыдысты республикæйы чемпионат æмæ фыццаг бынат бацахсыныл, стæй æппæтадæмон кубок “Алания” рамбулыныл ерыстӕ. Архайдтой дзы Абхази, Хуссар Ирыстон æмæ Казахастаны командæтæ.
