Цæгат Ирыстоны хатдзæгтæ скодтой “Ирон дæн æз” æркасты республикон къæпхæнæн. Финалы архайдтой 8 чызджы. Уыдон хуыздæртæ разындысты муниципалон къæпхæнты рæстæг. Ныр та сæ цæттæдзинад æвдыстой 5 фæлварæны.
Фæсивæдон галуаны фæскулис – аст чызджы республикæйы æппæт районты скъолатæй. Уыдон хуыздæртæ разындысты муниципалон къæпхæнты. Равдыстой дæсныдзинад ирон æвзагзонынад, культурæ æмæ æгъдæутты. Гæззаты Илинæ фæуæлахиз Дзæуджыхъæуы скъолаты ахуырдзауты ‘хсæн. Йæ хорз цæттæдзинадæй балхæдтæ къамисы зæрдæтæ.
Мыггаджы ратæдзæны истори, цавæр зынгдонд адæм дзы ис, бæрæгбæтты æгъдæуттæ, культурæ, уыимæ ирон рагон кусæнгæрзты зонынад, хæринæгтæ цæттæ кæныны хъуыддаг.
Чызджытæ сæхи фæлвæрдтой 5 хæслæвæрды. Годзойты Анжелæ конкурсмæ бацæттæ кодта дæсæм къласы ахуырдзау Рæмонты Ирмæйы. Дур-дуры скъолайы ахуыргæнæджы ныхæстæм гæсгæ, æркастæн ис стыр ахадындзинад.
Уый та, мадзаларзджытæ куыд зæгъынц, афтæмæй у сæйраг нысан. Мадæлон æвзагмæ уарзондзинад рæзын кæнын, хъомыл сæм кæнын патриотизм.
Чызджыты цæттæдзинадæн аргъ кодтой жюрийы уæнгтæ. Се ‘хсæн фæлтæрдджын специалисттæ, ирон æвзаджы дæснытæ, æхсæнадон архайджытæ. Сæйрагдæр уыд зонындзинæдтæ, артистизм равдисын. Иууыл фылдæр балл алы хæслæвæрды фæстæ дæр 5 баллы. Дарддæр кæронбæттæны уыцы баллтæ банымайынц æмæ афтæмæй равзарынц уæлахиздзауы.
Фыццаг бынат бацахста Æрыдоны районы минæвар, дыккаг – Горæтгæрон район, æртыккаг – Алагиры. Се ‘ппæт дæр райстой æхцайы премитæ æмæ зæрдылдарæн лæвæрттæ. Фæззæджы та конкурс ацæудзæн лæппуты ‘хсæн.
Калоты Дзерассæ
