Цæгат Ирыстоны хицауад сног кæндзæн 2030-æм азмæ республикæйы социалон-экономикон рæзты стратеги. Куыст куыд цæуы, ууыл ныхас кодтой Дзанайты Барисы разамындæй æмбырды.
Хицауады сæрдар куыд фæбæрæг кодта, афтæмæй нæ республикæ бирæ къабæзты æнтыстджынæй рæзы, æмæ вазыгджын у уыцы динамикæ бахъахъхъæнын. Æмбæлгæ документтæ арвитдзысты Уæрæсейы экономикон рæзты министрадмæ. Ныртæккæйы экономикон уавæрмæ гæсгæ рахастой хъæппæрис республикæйы рæзты стратегийы раззагдæр къабæзтæ 7-æй 13-мæ фæфылдæр кæнын. Се ‘хсæн: агропромышленнон, туристон-рекреацион, медицинон, культурон-этнографион кластертæ, промышленнон æмæ транспортон-логистикон комплекстæ, информацион технологитæ, экологи æмæ климат, чысыл æмæ астæуккаг амалхъомад, хæххон территориты рæзт, инвестицитæ æмæ инновацитæ, арæзтад æмæ цæрæнуатон-коммуналон хæдзарард, артаг æмæ энергетикон комплекс. Уæлдай цæсстдард уыдзæн раззагдæр инвестицион проекттæм.
