Цæгат Ирыстоны хицауады æркастысты райрæзты стратегитæм 2030-æм азы онг. Цæрæнуæтты-коммуналон хæдзарады министр Таматы Майрæн радзырдта бæрнады райрæзты сæйраг нысæнтты тыххæй: инфраструктурæ сног кæнын, лæггæдты хæрзхъæддзинадыл бакусын, нуазыны донæй ифтонггæнæг объекттæ рацаразын, кæлæддзаг хæдзæртты нымæц фæкъаддæр кæнын. Дзанайты Барисы ныхæстæм гæсгæ, документмæ хъæуы фылдæр районтæ бахæссын, уымæн æмæ иуварсгæнинаг фарстатæ алкæм дæр ис. Æнæниздзинадхъахъхъæнынады министр Тебиаты Сослан куыд радзырдта, афтæмæй ведомствæйы сæйрагдæр нысæнттæй иу — специалисттæ цæттæ кæнын. Регион архайы “Земский доктор” æмæ “Земский фельдшер” программæты. Министрад æнтыстджынæй æмгуыст кæны республикæйы медицинон ахуыргæнæндæттимæ дæр.
