Дзанайты Барисæн Мæскуыйы уыд кусæг фембæлд Территориты райрæзты фонды «Инфраструктурон проектты» дæлхайады директор Анвар Шамиловимæ.
Къазнайы сæрмагонд кредитты æххуысæй цы мадзæлттæ ис сæххæст кæнæн, уыдонæй 7 сты цæрæнуатон-коммуналон хæдзарады æмæ транспортон инфраструктурæйы къабазты, сæ иумæйаг аргъ у 6 млрд сомы. Премьер куыд фæнысан кодта, афтæмæй ныртæккæ хъæуы бакусын Дигорайы дондзæуæн хæтæлтыл, стæй Дзæуджыхъæуы 2 цæрæнуатон æмæ 1 бирæвæрсыг комплексы инженерон инфраструктурæ саразыныл. Уымæй уæлдай, куыст цæуы 600 млн сомæн æхсæнадон транспорт балхæныныл.
