Цæгат Ирыстоны кусæг балцы ис Узбекистаны сæйраг консул Ростов-на-Донуйы Бурхан Аликулов. Делегацийы минæвæрттимæ фембæлд республикæйы сæргълæууæг Сергей Меняйло.
Куыд фæнысан кодта, афтæмæй Цæгат Ирыстон æмæ Узбекистанæн ис рагон бастдзинæдтæ æмæ сæ хъæуы фидардæр кæнын. Бурхан АликУлов бузныг загъта Цæгат Ирыстоны сæргълæууæгæн, цæттæ кæй у ахæм ахастдзинæдтæ парахат кæнынмæ. Куыд фæнысан кодта, афтæмæй абон Узбекистаны разамынд уæлдай æргом здахы Уæрæсейы федерацийы субъекттимæ æмгуыстадмæ. Фембæлды архайджытæ æрдзырдтой ахуырад æмæ туризмы фарстатыл. Ныхас кодтой фæллойадон миграцийы тыххæй дæр. Сергей Меняйло бабар кодта Уæрæсейы фæсарæйнаг хъуыддæгты фæдыл министрады минæвар Дзæуджыхъæуы Багир МамИевæн профилон министрады фарстайыл лæмбынæг бакусын.
