Куыстдæттыны армукъа ацыд Цæгат Ирыстоны паддзахадон медицинон академийы. Æрвылазон мадзалы традицимæ гæсгæ куыстдæтджытæ фембæлдысты республикæйы медицинон ахуыргæнæндæтты рауагъдонтимæ. Медицинон кусæндæтты специалисттæ æмæ разамонджытæ ссыдысты Мæскуы, Петербург, Калининград æмæ Чукоткæйæ. Æрыгон дæснытæн æрмæст регионы бацæттæ кодтой 125 куысты бынаты, æгас бæстæйы та 35 мины. Студентты куыстдæтджытимæ ныхас кæнгæйæ цымыдис кодтой æххуысы мадзæлттæ æмæ социалон гарантиты фарстатæ. Уымæй уæлдай дæсныйадмæ гæсгæ контракт бафыссыны гæнæнтæ кæнæ та ахуыр
ординатурæ æмæ аспирантурæйы аддарддæр кæныны уавæртæ.
Мадзалы сæйраг хайы фæстæ республикæйы æнæниздзинад хъахъхъæныны министры разамындæй ацыд æмбырд. Специалисттæ æрныхас кодтой къабазы æмæ уæлдæр ахуырад райсыны фарстатыл.
