Цæгат Ирыстоны минæвæрттæ фæуæлахиз сты «Петъырбухы национ хæринæгтæ 2020»-æм зæгъгæ, онлайн фестивалы фыццаг къæпхæны.
Арахайынц дзы национ æхсæнадтæ æмæ хæрæндæтты куыстуæттæ. Конкурсмæ æрвитынц видео æрмæг, кæм æвдисынц хæринæгтæ куыд кæнынц, уый. Йæ аразæг – Санкт-Петербургы нациты`хсæн ахастдзинæдты комитет. Цæгат Ирыстоны минæвæрттæ ацы фестивалы архайынц фыццаг хатт. Видео æрмæг та систой Хæлардзинады хæдзары æмæ Хъазахъхъæгты зылды æхсæнад æмгуыстады бадзырд куы бафыстой, уæд.
Ирон чъиритæ хуыздæр разындысты Дин æмæ нациты`хсæн бастдзинад хъæддыхдæр кæныны номинацийы. Уæлахиздзауты кадджын уавæры схорзæхджын кæндзысты 19-æм сентябры Приморскы.
