Фидар æнæниздзинадæн, æнæмæнг, хъæуы профилактикæ. Цæгат Ирыстоны национ проект “Æнæниздзинадхъахъхъæнынад”-мæ гæсгæ фадат ис диспансеризаци лæвар ацæуынæн. Медицинон лæггæдты фæтк снысан кæнынц æнæхъæн афæдзæн. Афтæмæй, Мæздæджы районы поликлиникæйы къуыримæ дохтырты бабæрæг кæнынц 300 адæймагмæ ввахс. Профилактикон мадзал цал къæпхæнæй арæзт у, уый базыдтой ме ‘мкусджытæ.
Диспансеризацийы фыццаг къæпхæн – анкетæ баххæст кæнын. Цæрджыты хицæн къордтæн домæнтæ алыхуызон сты: 18-æй 49 азы онг кæуыл цæуы, уыдонæн æмæ 65 азæй хистæртæн. Светлана Ерицян йæ æнæниздзинадмæ куыд фæндыйы цæстæй нæ кæсы. Медицинон æркаст ацæуы æрвылаз.
Анкетæ бафыссæм, уый фæстæ æрбацæуæм дохтырмæ, дарддæр скæнæм иртæстытæ. Сæ хатдзæгтæм гæсгæ дохтыр снысан кæны дарддæры медицинон æркæстытæ. Арвиты нæ специалисттæм. Уыдон нын снысан кæнынц дзæбæхгæнæн мадзæлттæ æмæ сæ мах баххæст кæнæм. Мæнмæ гæсгæ тынг ахсджиаг у æнæниздзинады уавæрмæ кæсын.
Диспансеризаци ацæуыны афон æрхæццæ, уый тыххæй адæм базонынц телефонæй, смс-хъусынгæнинагæй, уыимæ ма дохтырмæ хæдзармæ фæдзурыны рæстæг, уый ныууадзы хонæджы талонтæ. Æрвылбон профилактикон хайады райсынц 40 пациенты. Дохтыртæ куыд фæнысан кодтой, афтæмæй ахсджиаг у медицинон æркаст афæдзмæ æппынкъаддæр иу хатт ацæуын.
Мæздæджы районы дæрддзæф цæрæн пунктты диспансеризаци кæнынц æрвылбон. Специалисттæн æххуыс сты æртæ модулон медицинон комплексы. Æркаст ацæуынæн ифтонггонд сты æмбæлгæ кусæнгæрзтæй. Бынативгæ флюрограф, маммограф, рентгены æмæ УЗИ-йы кабинеттæ.
Афæдзы райдианæй профилактикон æркаст ацыдысты 280 мин адæймаджы, уыдонæй 110 мины сты сывæллæттæ. Диспансеризаци у ахсджиаг бæрæггæнæнтæй иу республикæйы “Æнæниздзинад хъахъхъæнынад” нацпроект æххæсткæнынады. Фыццаг æхсæз мæймæ уæззау низтæ райдиан къæпхæнтыл раргом кæныны статистикæ дзæвгар фæфылдæр.
