Цæгат Ирыстоны ноггонд цæуынц æнæниздзинадхъахъхъæнынады объекттæ

Республикæйы дарддæр ноггонд цæуынц æнæниздзинадхъахъхъæнынады объекттæ. Архайд цæуы национ проект “Дæргъвæтин æмæ уæнгрог цардыуаг”-мæ гæсгæ. Ацы аз Цæгат Ирыстоны фæзындзæн ног медицинон хайæдтæ. Фелсырон-акушерон модулон пункттæ сæврдзысты Уæллаг Ларс æмæ Эзмийы. Сног кæндзысты амбулаторитæ станицæтæ Павлодольская, Терская, Троицкое, хъæутæ Уæллаг Фыййагдон, Дачное æмæ Спутниччы. Бындуронæй сцалцæг кæндзысты Хæзныдоны амбулатори дæр, 1-æм поликлиникæйы филиал Заводы поселочы æмæ сылгоймæгты консультаци Дзæуджыхъæуы 4-æм поликлиникæйы. Фарон национ проекты руаджы цалцæггонд æрцыдысты сывæллæтты 1-æм æмæ 2-æм поликлиникæтæ æмæ 4-æм поликлиникæйы филиал. Æнæниздзинад хъахъхъæныны системæйы райрæзт цæудзæн дарддæр дæр. Ахсджиаг у, цæмæй хæрзхъæд медицинон æххуыс исой куыд хъæуты, афтæ горæтты цæрджытæ дæр.