Цæгат Ирыстоны ныффысдзысты æппæтуæрæсеон географион диктант. Кæй фæнда, уыдонæн сæ зонындзинæдтæ сбæрæг кæндзысты 27 октябры, боны 12 сахатыл. Диктант сараздзысты Цæгат Ирыстоны паддзахадон университеты бындурыл. Ахуырадон акци ацæуддзæн 5 хатт. Бацархайыны фадат дзы уыдзæн се ’ппæтæтæн дæр.
Диктант уыдзæн 4 вариантæй: иу вариант Уæрæсейы æмæ фæсарæйнаг бæстæты цæрджытæн, иннæ онлайн хуызы, æртыккаг – цæстæй æвзæр чи уыны, уыдонæн, цыппæрæм та, – демонстрационный кæй хонынц, ахæм. Варианттæ уыдзысты уырыссаг æмæ англисаг æвзæгтыл. Бафтаудзыстæм ма уый æмæ фыццаг географион диктант уыд 2015 азы. Ивгъуыд азы диктант ныффыстой дунейы 97 бæстæйы. Цыппар азмæ географион диктант ныффыстой 900 мин адæймаджы.
