«Внимание, дети», зæгъгæ профилактикон мадзал Цæгат Ирыстоны паддзахадон автоинспекцийы кусджытæ сарæзтой Жуковскийы номыл сывæллæтты парчы. Ацы бынат дзæгъæлы нæ равзæрстой. Сæрдыгон паркты, бирæуæладзыгон хæдзæртты кæртыты, хъазынæн фæзты вæййы бирæ сывæллæттæ. Инспектортæ сабитæ æмæ сæ ныййарджытимæ ныхас кодтой фæндаджы сæрты раст ахизыны тыххæй. Уымæй уæлдай ма сын бамбарын кодтой сывæллæтты хæдтулгæйы ласгæйæ хъуамæ баст уой æдасдзинады ронæй.
Паддзахадон автоинспекцийы кусджытæ статистикæйы бæрæггæнæнтæм гæсгæ фæнысан кодтой ацы азы райдиан фæндаггон фыдбылызы цал сывæллоны бахауд уыдоны нымæц. Инспектортæ æрыгон фæндаггон змæлды архайджытæн балæвар кодтой адджинæгтæ æмæ «добрая дорога детства», зæгъгæ газет.
