Цæгат Ирыстоны Паддзахадон Базарадон-Экономикон Колледжы ацыд уалдзыгон бæрæгбоны спартакиадæ

3.03.2026 20:26

Директоры Æбиты Валерийы хъæппæрисæй мадзал расидтысты сылгоймæгты æппæтадæмон боны кадæн.

Цæгат Ирыстоны Паддзахадон Базарадон-Экономикон Колледжы спортивон зал байдзаг ирд æмæ æхсызгон æнкъарæнтæй. Ахуыргæнæндоны ацыд кусджыты ‘хсæн бæрæгбоны спартакиадæ. Директоры Æбиты Валерийы хъæппæрисæй мадзал расидтысты сылгоймæгты æппæтадæмон боны кадæн. Уæлахиздзаутæ суæвыныл ерыс кодтой алыхуызон ахуырадон корпусты къордтæ. Ерысты программæ рауад егъау æмæ цымыдисаг. Архайджытæ сæ арæхстдзинад равдыстой волейболы æмæ стъолы теннисы. Сабыр ныхмæлæудтæ чи уарзы, уыдон та бацархайдтой шахматтæй æмæ шашкæтæй хъæзтыты. Мадзалы æппæт фæзтыл уыд хæлар ахастдзинæдтæ. Карз бæрæггæнæнты бæсты – хъæлдзæг ерыстæ æмæ æмкусджытæн æххуыс. Æбиты Валерий фæнысан кодта, ахæм фембæлдтытæ хуыздæры ‘рдæм ахадынц коллективы ‘хсæн ахастдзинæдтыл. Турнир архайджытæн балæвар кодта уæнгрогдзинад æмæ æстæм мартъийы агъоммæ хъæлдзæг зæрдæйы уаг.

Предыдущий материал

48 азы размæ Мæздæджы фæзынд Советон Цæдисы мидхъуыддæгты министрады фыццаг авиахайад

Следующий материал

Дзæуджыхъæккаг наукон центры уыд аспирантты сесси 13 здæхтмæ гæсгæ