Цæгат Ирыстоны паддзахадон университеты студенттæн Кучиты Юрийы царды тыххæй бакастысты лекци. Уæлдæр ахуыргæнæндоны Арктикæйы зынгонд капитаны 100 азы бонмæ бацæттæ кодтой бирæ мадзæлттæ. Истори æмæ географийы факультетты студентты курдиатмæ гæсгæ бакастысты лекцитæ. Дарддæр ма бацæттæ кæндзысты «Легенды Арктики», зæгъгæ, документалон киноныв.
Бафтаудзыстæм ма уый республикæйы скъолаты ацæудзысты хъæбатырдзинады уроктæ. Ахуырдзаутæн равдисдзысты Кучиты Юрийы тыххæй видеоæрмæджытæ. Дзæуджыхъæуы чиныгдæтты сараздзысты равдыстытæ. Уымæй уæлдай ма тематикон лекцитæ, викторинæтæ бацæттæ кæндзысты «Балц» æмæ «Горец», зæгъгæ, лагерьты. Мадзæлттæ расидт фæсивæды хъуыддæгты фæдыл республикон комитет.
