Цæгат Ирыстоны пъæлицæйæгтæ рабæрæг кодтой, хæдтулгæ чи адавта, ахæм нæлгоймаджы.
Пъæлицæйы хайадмæ æххуысагур æрбадзырдта Мæздæджы районы Павлодольская станицæйы цæрæг. Куыд фехъусын кодта, афтæмæй йын йæ фæсарæйнаг хæдтулгæ «Фольксваген», зæгъгæ, адавтой, йæхæдæг хæдзары куы нæ уыд, уæд. Давды тыххæй базыдта, фæстæмæ хæдзармæ куы сыздæхт, уæд.
Знаггадгæнæг разынд Павлодольская станицæйы 20-аздзыд цæрæг, раздæр ма ахст чи уыд, ахæм. Йæ аххосыл басаст. Закъонхалæджы ныхмæ байгом кодтой уголовон хъуыддаг. Мидхъуыддæгты министрады кусджытæ сидынц республикæйы цæрджытæм, цæмæй сæ хæдтулгæтæ гомæй цыбыр рæстæгмæ дæр ма уадзой.
