Картофы куыстгæнджытæ ныр 11-æм хатт сæмбырд сты Цæгат Ирыстоны. Картофы тауинаг парахат кæныны Æппæтадæмон наукон-практикон форумы архайы 200 специалистæй фылдæр Уæрæсейы регионтæй æмæ фæсарæнтæй. Фæнысан кæнын хъæуы уый, æмæ Цæгат Ирыстон республикæйы цæрджыты æххæстæй ифтонг кæны картофæй. Ацы аз та ма нæ специалисттæ бакуыстой ноджы æртæ ног хуызыл. Сæ куысты сусæгдзинæдтæ раргом кодтой форумы фæзтыл. Бæлвырддæр нæ дарддæры æрмæджы.
Форумы уазджытæ уæлдай æргом аздæхтой цæгатирыстойнаг куыстуаты картофы хуызты равдыстмæ. Республикæйы сæрыстырдзинадыл сæ банымайæн ис. Хи селекцийы æртæ хуызы. “Фат-Агро” сыл бакуыста Федералон иртасæн центримæ. “Садон”, “Алани” æмæ “Спринтер”. Ацы картоф регионы уавæртæн бæззы.
Бæстæйы конд тауинæгтыл ныхас цыд фæзтыл. Форум снысан кодтой картофы мыггаджы кондады нырыккон мадзæлттын. Картофы бынты хæрзхъæддзинадмæ ис бæстон домæнтæ. Халсар Цæгат Ирыстоны зай кæныны гæнæнтæ базоныны фæдыл сæмбырд сты 200 специалисты. Уæрæсейы алы регионтæй, Киргизи, Инди æмæ Чилийæ. Ныридæгæн семæ снысан кодтой æмгуыстады фæдыл фембæлдтытæ.
Ахæм у наукон-практикон форумы сæйраг нысан. Картофы куыстгæнджытæ æрдзурдзысты æппæт ногдзинæдтыл. Мыггæгтæ бахъахъхъæныны гæнæнтæ, æмбал кæмæн нæй уæрæсейаг селекцийы гибридтæ, фрийы кондадæн цæттæ кæнын картофы хуызтæ. Хъæууон хæдзарады архайджыты августы кæрон алкæддæр сæмбырд кæны “Фат-Агро”.
Картофы тауинæгты ног хуызтæ саразыныл кæм кусынц Европæйы уыцы егъаудæр куыстуат. Компани æппынæдзух архайы йæ райрæзтыл. Дæнцæгæн æрхæссæн ис, ацы аз нæ специалисттæ картофы мыггаджы хуыздæр хуызтæ кæй рауагътой, уый. 2025-æм азы та фæнд кæнынц 12 мин тоннæйы сисын.
Æппæтадæмон наукон-практикон форум арæзт цæуы 11-æм хатт. Ацы аз мадзал аразджытæ баивтой традицион программæ. Ныр картофæй уыдзæн саходæн дæр. Уазджытæ аргъ скæндзысты йæ хуыз æмæ адæн. Уыимæ ма дзы сцæттæ кæндзысты алыхуызон хæринæгтæ.
Уазджытæ Цæгат Ирыстоны фæуыдзысты дыууæ боны. Уыцы рæстæгмæ фендзысты картофы тауинæгты кондады æппæт къæпхæнтæ дæр. Микрозайæгойтæй рæзæндоны онг. Архайджытæ бабæрæг кæндзысты Картофы тауинæгты ног хуызтæ саразыныл кæм кусынц Цæгат Кавказы иунæг ахæм центр Джызæлы. Аргъ скæндзысты Уæллаг Зджыды хæххон фæлварæн бынæттæн. Программæ уыдзæн хъæздыг æмæ алывæрсыг.
