Цæллагты мæсгуыты комплексы 25-æм хатт сарæзтой сфæлдыстадон æркаст “Уацамонгæ”. Йæ сæйраг нысан у — рæзгæ фæлтæры не ‘гъдæуттæ, нæ истори æмæ Нарты кадджытимæ базонгæ кæнын.
Культурон программæ хъæздыг рауад: зарджытæ, кæфтытæ, æмдзæвгæтæ мадæлон æвзагыл. Фæсивæд сцæттæ кодтой ирон хæринæгтæ. Се ‘нæниздзиинад хъыгдард кæмæн у, уыдон та равдыстой, сфæлдыстадон архайдæн æгæрон гæнæнтæ кæй ис. Командæтæ бацæттæ кодта режиссёр Пагæты Фатимæ, сфæлдыстадон куыстытæм æркаст нывгæнæг Цæллагты Виктор.
Проект сæххæст кодтой республикон бюджетæй субсидийы руаджы æмæ Фæллой æмæ социалон рæзты министрады æххуысæй. Уæ зæрдыл уын æрлæууын кæндзыстæм, 2023-æм аз у “Ирон Нартиадæйы аз”.
