Ацы къуыри республикæйы скъолатæ рахызтысты дистанцион хуызы ахуыртæм. Уымæн аххосаг æвзæр эпидемиологон уавæр. Кæцыдæр скъолаты республикæйы сæргълæууæг Сергей Меняйлойы хъæппæрисæй байгом кодтой радхæссæг кълæстæ. Бæлвырддæр нæ дарддæры æрмæджы.
Ныртæккæ райдиан кълæсты ахуыртæ ахæм хуызы цæуынц. Иутæ зонындзинæдтæ исынц дистанцион хуызы, иннæ та — комкоммæ. Скъоладзауты ‘хсæн — сæ ныййарджытæ ахсджиаг къабæзты кæмæн фыдæбон кæнынц æмæ дæрддзæф хуызы куыстмæ рахизын сæ бон кæмæн нæу, уыдон. Сæ сывæллæтты рарвитынц скъоламæ — радхæссæг къордтæм.
Уæлæмхасæн къордты архайд бирæты къух фæрогдæр кодта. Рауад хъæугæ æмæ пайда.
Онлайн хуызы ахуыртыл скъоладзаутæ дæр æмæ ахуыргæджытæ фæцалхс сты. Ацы хъуыддаджы уæлдай бæрнон хæстæ æвæрд ис рауагъдонтыл. Уыдоны æрвылбон ахуыртæй уæлдай-ма сæхи цæттæ кæнынц Иумæйаг паддзхадон фæлварæнмæ.
Скъола «Диалог»-ы ахуыр кæны мин скъоладзауæй фылдæр. Сæ фылдæр райдиан кълæсты ахуырдзаутæ. Уыдонæн ам сарæзтой 7 радхæссæг къорды, иннæ та ахуыр кæнынц дистанцион хуызы.
Радхæссæг къордтæ фæзындысты республикæйы сæргълæууæг Сергей Меняйлойы уынаффæмæ гæсгæ. Ахæм хуызы ахуыртæ цæудзысты рæстæгмæ. 25 январы сæ снысан кодтой æвзæр эпидемиологон уавæры тыххæй.
Ахæм хуызы ахуыртæ уал ахæссдзысты 29 января онг. Уæдмæ та уал скъоладзаутæ зонындзинæдты æрфытæ æнкъардзысты онлайн хуызы.
