Сакралон дзауматæ культурæ бахъахъхъæнынæн, адæмты хицæндзинæдтæ æмæ æрбайсгæ æгъдæуттæ. Миллеры номыл æппæтуæрæсеон кæстытæ 10-æм хатт райдыдтой Дзæуджыхъæуы. Ныхас дзы цыд Кавказзонынады ахсджиаг фарстатыл.
Форум сæмбырд кодта ахуыргæндты Цæгат æмæ Хуссар Ирыстонæй, Цæцæны республикæйæ, Гуырдзыстон æмæ Иранæй. Традицимæ гæсгæ, уæлдай æргом аздæхтой хъуыстгонд “Осетинские этюды” -йы автор, æвзагиртасæг æмæ этнограф Всеволод Миллермæ. Фольклоры, ирон æвзаджы фонетикæ æмæ грамматикæйы фæдыл куыстыты æмбырдгонд мыхуыры рацыд суанг 19-æм æнусы.
Конференцимæ уæлдай бæстонæй сæхи цæттæ кодтой æрыгон ахуыргæндтæ. Наукон сессийы рæстæг рæгъмæ рахастой сæ куыстытæ литературæзонынадæй, фольклористикæйæ, этнологи, æвзагзонынадæй æмæ Ирыстоны историйæ. Миллеры номыл кæстытæ специалистты æрбангом кæны 2008-æм азæй фæстæмæ.
