Цæгат Ирыстоны цæттæ кæнынц хъармгæнæн сезонмæ

Цæгат Ирыстоны цæттæ кæнынц хъармгæнæн сезонмæ. Ацы аз республикæйы фæнд кæнынц 233 хъармгæнæны срæвдз кæнын. Цæттæгæнæн куыстытæн сæ 60% баххæст кодтой. Бахардз сыл кодтой 200 милуан сомæй фылдæр. Арæзтадон куыстытæ æнтыстджынæй цæуынц районты дæр. Зæгъæм, Алагиры районы 33 хъармгæнæнæй сæ фылдæр цæттæ сты. Специалисттæ хæтæлтæ ивынц нырыккон домæнтæн дзуапп чи дæтты, ахæм хæтæлтæй. Афтæмæй бирæуæладзыгон хæдзæрттæм æмæ социалон нысаниуæг цы объекттæн ис, уыдонмæ хъарм фæткмæ гæсгæ хæццæ кæндзæн. Профилон министрады куыд бамбарын кодтой, афтæмæй уæлдай æргом здахынц æнæниздзинад хъахъхъæныны, ахуырад æмæ культурæйы къабазы объекттæм.