Цæгат Ирыстон архайы “Клади трубку”, зæгъгæ, егъау проекты. Хъæппæрис расидтысты Уæрæсейы Банк, мидхъуыддæгты министрад æмæ Генералон прокуратурæ. Сæйраг нысан – цæрджыты телефоны æмæ интернеты тыгъдады цæстфæлдахджыты митæй бахъахъхъæнын. Адæмы æргом раздахын, æхцайы фæрæзтæ хуыздæр æмæ æдасдæр куыд дарын хъæуы, уымæ.
Специалистты бæрæггæнæнтæм гæсгæ, фæливджыты ныхæстыл бирæтæ баууæндынц. Акци ахæсдзæн ноябры кæронмæ. Уыцы рæстæгмæ барадхъахъхъæнæн оргæнты кусджытæ фæнд кæнынц æхсæнадон бынæтты информацион сыфтæ парахат кæнын.
