Цæгат Кавказы хæххон-металлургон институты архитектурон-арæзтадон факультетæн ацы аз у юбилейон. Æххæст ыл кæны 60 азы. Уый фæдыл ахуыргæнæндоны снысан кодтой алыхуызон мадзæлттæ. Институты наукон центры тымбыл стъолы фæлгæты æрдзырдтой арæзтадон къабаз æмæ æрыгон специалистты æмгуыстадыл. Архайдтой дзы республикæйы æххæстгæнæг хицауады уæнгтæ æмæ арæзтадон куыстуæтты разамонджытæ.
Къабазы уавæр æмæ æмæ фидæны гæнæнты тыххæй радзырдта дзуапдæттæг министры хæдивæг Моргуаты Константин. Цæгат Кавказы хæххон-металлургон институты архитектурон-арæзтадон факультеты декан Тускъаты Зæлинæйы ныхæстæм гæсгæ, фæнд кæнынц материалон-техникон бындур фæуæрæхдæр кæнын. Стæй конструкторон бюро байгом кæнын.
Æрыгон специалисттæн фыццаг хатт расидтысты куысты бынæтты армукъа дæр.
