Цæгат Кавказы хæххон-металлургон институты ацыд кадджын мадзал. Йæ фæлгæты схорзæхджын кодтой уæлдæр ахуыргæнæндоны разамынды уæнгты æмæ педагогты, уыимæ колледжты æмæ техникумты ахуыргæнджыты, бархионты.
Уыдон се ‘ппæт дæр архайдтой “Æрыгон специалист – фидæн аразæг” федералон форум скæныныл. Мадзал сси фæлтæрддзинад æмæ раззагдæр хъуыдытæй кæрæдзийæн фæхай кæныны фæзуат. Профилон министр Бетанты Марат куыд фæнысан кодта, афтæмæй Уæрæсейы арæзтады министрады стыр аргъ скодтой, форум куыд бацæттæ кодтой æмæ сарæзтой, уымæн, загъта, студенттæ зæрдæргъæвдæй кæй бацархайдтой.
Уымæй уæлдай ма Уæрæсейы студентты боны фæлгæты хæрзиуджытæ райстой Цæгат Кавказы хæххон-металлургон институты арæзтадон факультеты студенттæ, сæ ахуыры хорз бæрæггæнæнтæ чи равдыста, уыдон.
