Дзæуджыхъæуы кадджын уавæры байгом мидхъуыддæгты министрады музей. Мадзалмæ æрбацыд Уæрæсейы мидхъуыддæгты министры æххуысгæнæг Иван Шилов.
Уымæй уæлдай ма ссыдысты уазджытæ æндæр регионтæй дæр. Се`хсæн ветерантæ æмæ æхсæнадон организациты минæвæрттæ. Арфæйы ныхæстæ барадхъахъхъæнæн ведомствæйы кусджытæн ракодта нæ республикæйы сæргълæууæг Битарты Вячеслав дæр. Куыд бафипайдта афтæмæй мидхъуыддæгты музей кæй байгом уый республикæйæн ахсджиаг хъуыддаг кæй у. Уымæй уæлдай ма фæсивæды патриотон хъомыладæн ахадгæ хъуыддаг кæй у , уый дæр. Иван Шилов мидхъуыддæгты ветеранты советы номæй Битарты Вячеславæн балæвар кодта орден ” За заслуги”, зæгъгæ.
Музей цы бæстыхайы байгом , уый арæзт æрцыд 19 æнусы. Революцийы агъоммæ дзы уыд Дзæуджыхъæуы тæрхондон. Саветон Цæдисы рæстæджы та административон æмæ ахуырадон уагдæттæ. 1986 азы дзы фæзынд Цæгат Ирыстоны милицæйы историкон экспозицитæ. Ног музейы ис 10 экспазицион залы. Уым æвдыст у ведомствæйы райрæзт -куы фæзындис уæдæй абонмæ.
