Анастасия Морозова у центр “Диалог”-ы 10-æм къласы ахуырдзау. Архайы ма Яндекс Лицæйы” IT-куб”-ы бындурыл. Фыццаг аз ын æнтыстджын рауад, базыдта программированийы æвзаг Python. Ныридæгæн архайы промышленнон программированийы райрæзтыл. Æрæджы та Анастасия бахъахъхъæдта йæхи проект.
Тар экраныл та код фыст, сæрмагондæй йæ фæрцы цæуы æппæт архайд. Программæ “Управление продуктами и расчет прибыли” конд у чысыл дуканитæн æмæ базарадон бынæттæн. Ахæм нымайæн гарзмæ бахæссæн ис хъæугæ бæрæггæнæнтæ, уый аразгæ у компьтеры хъомысæй. Афтæмæй раиртасынц æфтиæгты бæрц. Анастасия ногдзинадыл куыста дыууæ къуырийы.
Хойрæгты калькулятор у Яндекс Лицæйы ахуырады фæлгæты цы æртæ проекты хъæуы скæнын, уыдонæй иу. Сывæллæттæн æнцон нæу – æвзæр бæрæггæнæнты тыххæй, гæнæн ис, æмæ сын дарддæр ахуыр кæныны фадат нæ уыдзæн. Фæлæ фæлтæрдджын ахуыргæнджытæ кæддæриддæр цæттæ сты баххуыс кæнынмæ.
Нырыккон-IT здæхтмæ Анастасияйы сразæнгард кодтой йæ ныййарджытæ. Сцымыдис æм ис йæ сабийæ фæстæмæ. Чызг куыд фæбæрæг кодта, афтæмæй йæ уарзон архайд фидæны дæр æххуыс уыдзæн. Дæсныйад æмæ университет нæма равзæрста, фæлæ Яндекс Лицейы сертификат райсын фæнд кæны. Ныр Анастасия кусы йæ радон проектыл – хъазтыл. Æмæ йæ æнтыстджынæй кæй бахъахъхъæндзæн, ууыл дызæрдыг нæ кæны.
