Дзæуджыхъæуы сывæллæтты 2-æм поликлиникæйы бындурон цалцæг кæронмæ æрхæццæ. Медицинон кусæндон фæстаг 50 азмæ ныр фыццаг хатт сног кодтой. Цалцæггæнæн куыстытæ райдыдтой фарон, февралы. Бæстыхайæн баивтой йæ сæр, рудзгуытæ, æппæт инженерон хызæгтæ, сифтонг æй кодтой зынгсирвæзты ныхмæ системæйæ.
Ныртæккæ поликлиникæ дарддæр ифтонг кæнынц хъæугæ дзауматæй, медицинон кусæнгæрзтæй, æфснайынц агъуыстытæ. Уыимæ чысыл пациентты ныридæгæн исынц. Егъау поликлиникæйы хыгъды ис 22 мин сывæллоны.
