Центр “Интеллект”-ы арæзт æрцыд æрвылазон конкурс “Мой робот – 2026”

Инженерон сфæлдыстадмæ цымыдисдзинад бонæй бонмæ рæзы. Центр “Интеллект”-ы арæзт æрцыд æрвылазон конкурс “Мой робот – 2026”. Ацы хатт дзы архайдтой 60 скъоладзауы 9 ахуыргæнæндонæй. Сæ куыстытæ бацæттæ кодтой 6 здæхтмæ гæсгæ. Æнæмæнг классикон хуыз – “Интеллектуалон сумо”, зæгъгæ. Ацы ерысы дыууæ ныхмæлæууæг хæдтулгæйæ хъуамæ иу иуннæуыл фæуæлахиз уа йæ тых æмæ интеллекты руаджы. Иннæ ахæм ерыс та – “Траектория”. Ам та ахсджиаг у техникон лыстæгдзинад æмæ тагъдад. Мадзаларазджытæ куыд фæнысан кодтой, афтæмæй ерысты æмвæзад зынгæ фæуæлдæр, программæты бундуртæ дæр фæхуыздæр сты.