ЦИПУ-йы рæгъмæ рахастой Хетæгкаты Къостайы æмдзæвгæты æмбырдгонд испайнаг æвзагыл

29.09.2026 19:53

Чиныгыл куыста дыууæ азмæ хæстæг. Æмдзæвгæтæй уæлдай ма æбмырдгондмæ бахастой Къостайы нывтæ, уыимæ 19-æм æмæ 20-æм æнусты ирон адæмы архивæй ист къамтæ.

Ирон литературæйы бындурæвæрæг Хетæгкаты Къостайы сфæлдыстадимæ ныр базонгæ уыдзысты Латинаг Америкæйы бæстæты æмæ Испанийы. ЦИПУ-йы рæгъмæ рахастой æмдзæвгæты æмбырдгонд «Æгас дуне Фыдыбæстæ мæнæн» испайнаг æвзагыл. Тæлмацы автор – фыссæг, драматург, Боготы Лев Толстойы номыл Культурæйы институты президент Рубен Дарио Флорес Арсила. Чиныгыл куыста дыууæ азмæ хæстæг. Æмдзæвгæтæй уæлдай ма æбмырдгондмæ бахастой Къостайы нывтæ, уыимæ 19-æм æмæ 20-æм æнусты ирон адæмы архивæй ист къамтæ. Чыныг мыхуыры рацыд июны Паддзахадон Думæйы æппæтадæмон хъуыддæгты комитеты сæрдар Леонид Слуцкийы æмæ Сабырдзинады уырыссаг фонды æххуысæй. Мадзалы архайдтой парламенты сæрдар Тускъаты Таймураз, Республикæйы сæргълæууæджы администрацийы разамонæджы хæдивæг Хацырты Ирбег, Колумбийы Уæрæсейы минæварады фыццаг секретарь Хъуыссæты Азæмæт, Фæсарæйнаг хъуыддæгты министрады минæвар Дзæуджыхъæуы Мамиаты Багир, уыимæ ахуыргæндтæ æмæ студенттæ.

Предыдущий материал

Сергей Меняйло фембæлд Алыбегты Эллæ æмæ Андрей Швецовимæ

Читайте также

Все новости